लातूर जिल्हा हा मराठवाड्यातील सर्वच दृष्टीने एक महत्वाचा जिल्हा होय. या जिल्ह्याने आजवर अनेक उमदा नेते घडवले. निलंगेकर कुटुंब त्यातील एक सामाजिक सेवेत झोकुन दिलेलं कुटुंब होय. या कुटुंबाने अरविंद पाटील निलंगेकर हा तरुण तडफदार नेता देखील राज्याला दिला.

अरविंद पाटील निलंगेकर हे एका मोठ्या राजकीय घराण्यातून येतात. मात्र आपल्या सहज, मनमिळावू व ओघवत्या शैलीमुळे ते सर्वांना आपलेसे करून घेतात. आमदार श्री.संभाजीभैय्या पाटील निलंगेकर यांच्या सोबतीने सामाजिक कार्य करणारा एक तळागाळातील कार्यकर्ता म्हणून त्यांनी आपले कार्य सुरू केले. ते कार्य आज जगातील सर्वात मोठा राजकीय पक्ष असलेल्या भारतीय जनता पार्टीच्या महाराष्ट्र प्रदेश सचिव पदापर्यंत पोहचले आहे.